ඔබ කියූ කරුණ නිවැරදි නිසාවෙන් එය අවබෝධ වෙලා යහපත උදාකරගෙන වර්ණනා කරනවා විය හැකියි. එසේත් නැතිනම් කරුණ නිවැරදිවුවත් එය අවබෝධකරගැන්මට නොතේරෙන බැවින් නොදැනුවත්කම නිසාවෙන් ගැටීමට පත්වෙලා නින්දා කරනවා විය හැකියි.
ඇත්තටම ඔබ කියන කරුණ වැරදිවූත් නොගැලපෙනවූත් සුදුසු නැතිවූත් කරුණක් වීම නිසාවෙන් එය තේරුම් ගත්ත අයෙක් ඔබට එහි වරද පෙන්වා දෙනවා විය හැකියි.
අසන්නා විසින් ඔබව පුද්ගලයෙක් වශයෙන් ප්‍රිය කරන නිසාවෙන් ඔබ කියන සෑම දෙයකටම ඇලීමට පත්වෙලා වර්ණනා කරනවා විය හැකියි. එසේත් නැතිනම් පුද්ගලත්වයෙන් තමන් තුල ඇති අකමැත්ත අප්‍රසාදය නිසාවෙන් එය පිලිගැනීමේ අකමැත්තක් තමන් තුල තියෙන නිසාවෙන් ගැටීමට පත්වෙලා විය හැකියි.
යමෙක් ඔබව හෝ ඔබ කියන කරන දෙයක් වර්ණනා කරනවා නම් එය සැබෑවටම වර්ණනාවක් නොවීමටත් යමෙක් ඔබව හෝ ඔබ කියන කරන දෙයක් නින්දාවට අපහාසයට උපහාසයට ලක්කරනවා නම් එය සැබෑවටම නින්දාවක් අපහාසයක් උපහාසයක් නොවීමටත් පුළුවන් වෙන්නේ මේ නිසායි. ඉතින් මම නිතර කියනවානේ හොද ඇත්තටම හොද නෙවේ නරක ඇත්තටම නරක නෙවේ කියලා.
තමන් කියන, කරන, සිතන දේට ලැබෙන ප්‍රතිචාර කුමක් වුවත් ඔබ ඒ ප්‍රතිචාර හමුවේ ගන්නා ක්‍රියාමාර්ගය, කියනා වදන්, සිතනා සිතුම් ඔබට හානියක් පිණිස අහිත පිණිස පැවැත්ම පිණිස බොහෝ දුක් රැසක් පිණිස හේතුවන්නට විය හැකි නිසාම නින්දා ප්‍රශංසාහි යථාර්ථය තේරුම්ගෙන කම්පානොවන මනසක් ඇතිකරගන්නට උත්සාහ දරන්න. එය ලෞකික ලෝකෝත්තර දෙආකාරයෙන්ම සහනයක් සැනසීමක් දියුණුවක් ශාන්තියක්ම ලබාදේවි.
ධර්මය නිසි ලෙසින් ප්‍රයෝජනයට ගන්නට සැමවිටම උත්සාහ කිරීම ඔබගේම යහපත පිණිසම හේතු වේවි!! ඔබ සැමට තෙරුවන් සරණින් නිවනම වෙත්වා!!!
No comments:
Post a Comment
Your comment will be reviewed by the author of this blog and will publish soon under this post! Thank you very much for your valuable time! May triple gem bless you for the best!!!